SOG‘LOMLASHTIRUVCHI GIMNASTIKA MASHG‘ULOTLARIDA VOSITA VA USULLARNING QO‘LLANISH NAZARIYASI HAMDA MAZMUN-MOHIYATI

Mazkur maqolada sog‘lomlashtiruvchi gimnastika mashg‘ulotlarida qo‘llaniladigan jismoniy tarbiya vositalari va metodik usullarning nazariy asoslari hamda amaliy mazmuni yoritiladi. Sog‘lomlashtiruvchi gimnastika inson organizmining umumiy funksional holatini yaxshilash, harakat faolligini oshirish, mushaklar faoliyatini mustahkamlash, nafas olish va yurak-qon tomir tizimlari faoliyatini qo‘llab-quvvatlashda muhim omil sifatida tahlil qilinadi. Maqolada mashqlarni tanlash, yuklama me’yorini belgilash, yosh va individual xususiyatlarni hisobga olish, mashg‘ulotlarning izchilligi hamda sog‘lomlashtiruvchi ta’sir samaradorligini oshirish masalalari ko‘rib chiqiladi. Shuningdek, sog‘lomlashtiruvchi gimnastika vositalarining profilaktik, korreksion, rivojlantiruvchi va tiklovchi ahamiyati asoslab beriladi.