“ELEKTR XAVFSIZLIGI VA ISHONCHLILIGI” FANINI O‘QITISHDA TALABALARNING ELEKTR XAVFSIZLIGIGA OID KASBIY KOMPETENTLILIGINI RIVOJLANTIRISH

Mazkur maqolada bo‘lajak energetik muhandislarning elektr xavfsizligiga oid kasbiy kompetentliligini rivojlantirish metodikasini takomillashtirish masalasi “Elektr xavfsizligi va ishonchliligi” fani misolida tahlil qilingan. Zamonaviy energetika tarmoqlarida elektr uskunalari, yuqori kuchlanishli tizimlar, avtomatlashtirilgan boshqaruv vositalari va raqamli monitoring texnologiyalarining keng qo‘llanilishi mutaxassisdan nafaqat nazariy bilim, balki xavfni baholash, tezkor qaror qabul qilish, avariyaviy holatlarda to‘g‘ri harakat qilish va mehnat muhofazasi talablariga qat’iy rioya etish kabi amaliy kompetensiyalarni ham talab etadi. Shu nuqtai nazardan, oliy ta’lim muassasalarida elektr xavfsizligi bo‘yicha o‘qitishni kompetensiyaviy yondashuv asosida takomillashtirish dolzarb ahamiyat kasb etadi.