KICHIK BIZNES VA XUSUSIY TADBIRKORLIK SOHASINING RAQOBATBARDOSHLIK SALOHIYATI HAMDA MOLIYAVIY BARQARORLIGINI STATISTIK BAHOLASH USLUBIYATI

Maqolada kichik biznes va xususiy tadbirkorlik sohasining moliyaviy samaradorligi hamda raqobatbardoshlik salohiyatini statistik baholashning uslubiy jihatlari tadqiq etilgan. Kichik korxona va mikrofirmalar faoliyatini baholashda hisobga olinadigan ichki va tashqi omillar tizimlashtirilgan, raqobatbardoshlik salohiyati integral indeksi (IPK) hamda uning tarkibiy — innovatsion, axborot, resurs va iqtisodiy salohiyat — indekslarini hisoblash uslubiyati yoritilgan. Shuningdek, intellektual, mulkiy va moliyaviy salohiyatni baholash ko‘rsatkichlari tizimi, moliyaviy barqarorlik darajalarining statistik tasnifi hamda aylanma kapitaldan foydalanish samaradorligini baholash koeffitsientlari tavsiya etilgan. Taklif etilayotgan uslubiyot kichik biznes subyektlarini davlat tomonidan qo‘llab-quvvatlash siyosatini takomillashtirish uchun ilmiy-amaliy asos bo‘lib xizmat qiladi.