IQTISODCHI MUTAXASSISNING KASBIY FAOLIYATIDA XORIJIY TILNING FUNKSIONAL VAZIFALARI

Ushbu maqolada bugungi globallashuv jarayoni va xalqaro iqtisodiy integratsiya sharoitida bo‘lajak iqtisodchi mutaxassisning kasbiy faoliyatida xorijiy til bajaradigan funksional vazifalar tizimli va kompleks tarzda tahlil qilingan. Tadqiqot English for Specific Purposes (ESP — maxsus maqsadlar uchun ingliz tili) yondashuvi asosida qurilgan bo‘lib, unda til o‘rgatish umumiy kommunikativ ko‘nikmalardan farqli ravishda aniq kasbiy ehtiyojlarga yo‘naltirilishi lozimligi asoslangan. Maqolada beshta asosiy funksional yo‘nalish — axborot-kognitiv, kommunikativ-muzokara, analitik-yozma, terminologik-tarjimaviy va kasbiy rivojlanish funksiyalari har tomonlama yoritilgan hamda ularning har biriga xos til ko‘nikmalari va kompetensiyalar aniqlangan. Shuningdek, ushbu funksiyalarni amalga oshirishda yuzaga keladigan metodik muammolar hamda ularni bartaraf etish yo‘llari bo‘yicha takliflar ishlab chiqilgan. Tadqiqot natijalaridan oliy ta’lim muassasalarining iqtisodiy yo‘nalish talabalari uchun kasbiy yo‘naltirilgan xorijiy til o‘qitish dasturlarini takomillashtirishda, shuningdek, amaliyotchi iqtisodchilarning malakasini oshirish tizimida foydalanish mumkin.