BO‘LAJAK BOSHLANG‘ICH SINF O‘QITUVCHILARINING EMOTSIONAL INTELLEKTINI MEZONLAR ASOSIDA BAHOLASH VOSITASI

Maqolada bo‘lajak boshlang‘ich sinf o‘qituvchilarining emotsional intellektini baholash vositasining tuzilishi va uni ishlab chiqishda asos qilib olingan pedagogik tamoyillar yoritilgan. Vosita emotsional intellektni rivojlantirish modelining bilim, emotsional-amaliy, refleksiv va kasbiy-identifikatsion mezonlariga tayanadi. U 45 banddan iborat so‘rovnoma va pedagogik amaliyot jarayonida to‘ldiriladigan 15 bandli kuzatuv varaqasidan tashkil topgan. So‘rovnomada o‘zini baholash qismi bilim testi va pedagogik vaziyatlarga oid topshiriqlar bilan to‘ldirilgan. O‘zini baholash qismi D. V. Lyusinning EmIn so‘rovnomasiga tayangan holda boshlang‘ich ta’lim sharoitiga moslashtirilgan. Natijalar har bir mezon bo‘yicha foizlarda va uch darajada ifodalanadi. Vositaning ishonchliligi tajriba-sinov ishlarining birinchi o‘lchov bosqichida tekshiriladi.